Contact Us

Use the form on the right to contact us.

You can edit the text in this area, and change where the contact form on the right submits to, by entering edit mode using the modes on the bottom right. 

         

123 Street Avenue, City Town, 99999

(123) 555-6789

email@address.com

 

You can set your address, phone number, email and site description in the settings tab.
Link to read me page with more information.

Bækur

Að koma heim til Íslands eftir dvöl í evrópskri stórborg er eins og að vera sviptur frelsinu. Þægileg en andlítil rútína á heimili foreldranna minnir aðeins á hve gott var að vera að heiman. En það er sumar og því fer Unnur með vinkonu sinni og kunningja hennar í ferð um landið - landið sem leikur sjálft sig til að ganga í augun á erlendum gestum.

Að heiman er einstök kynslóðarsaga frá Íslandi ferðamennsku og eftirhruns. Yfirvegaður, meitlaður og ísmeygilega ljóðrænn stíll Arngunnar Árnadóttur gerir þessa skáldsögu að einni eftirtektarverðustu frumraun íslenskra bókmennta á þessari öld.

Að heiman er fallega skrifuð og hreyfir við manni á hversdagslegan máta – ekki á léttvægan hátt heldur í þeim skilningi að hún dregur fram margar af þeim litlu hugsunum og atburðum sem fólk tekst á við í dagsins amstri. Hún tekst meðvitað á við hið ómeðvitaða. Ásamt þessu er stiklað á stærri spurningum um eigin sjálfsmynd og stöðu kynjanna og öllu hrært saman í merkingarþrungið logn, fallega stillu með ógreinanlegu roki tilfinninga.“ - Már Másson Maack, bokmenntir.is

„Samtími ungrar konu á Íslandi er í meðferð Arngunnar verulega trúverðugur. [...] Það er algert jafnvægi í þessum arkitektúr [...] Að heiman er flott frumraun.“ - Júlía Margrét Alexandersdóttir, Morgunblaðið

Unglingar (2013) er safn ljóða og örsagna, litað af óræðum stemningum unglingsáranna. Unglingar er fyrsta bók Arngunnar og jafnframt þriðja bókin í ritsöðinni meðgönguljóð.

„Allir textar bókarinnar eru meitlaðir og vandaðir, þeir búa yfir ljóðrænni en hversdagslegri rödd en hafa jafnframt til að bera hæfilegt magn af ljóðrænum furðum sem ljá textunum nokkra vigt. Þegar best lætur eru textarnir í Unglingum á pari við það besta sem ég hef séð í íslenskum skáldskap sem flokka má undir örsögur eða prósaljóð.“
- Ingi Björn Guðnason,  Víðsjá

„Í þessu býr máttur ljóðsins, að lífga við hugmyndir, orð og myndir, fá okkur til að fylgja þeim eftir þar til við byrjum að spila með af sjálfsdáðum.“
-Úlfhildur Dagsdóttir um Unglingabokmenntir.is